Këngëtari shqiptar, Shpat Kasapi u përcoll këtë të diel për në banesën e fundit. Në Shqipëri, Kosovë dhe Maqedoni kanë vajtuar prej katër ditësh një nga artistët me këngët e të cilit u rritën breza.
Shpati, la pas familjen e tij, të voglin Roel, të cilin Selvia tanimë duhet ta rrisë e vetme. Ajo u pa e shkatërruar sot në homazhet në nder të bashkëshortit të saj. Gjatë homazhve, pranë saj qëndronte nëna e këngëtarit, Gjylymsere Kasapi, e cila ndonëse humbi gjysmën e shpirtit të saj, nuk iu nda nuses së djalit për asnjë çast, duke e mbajtur pranë e përqafuar për t’i dhënë forcë. Madje, në një moment ajo iu afrua dhe i puthi duart Selvies.
