“Beauty Beats Party” – Hapja Madhështore e Edicionit të 7-të

Si për të 7-in vit, show i parë i panairit është eventi i inaugurimit “Beauty Beats Party” me të ftuar specialë, klientë, bashkëpunëtorë, gazetarë, influencerë, mjekë e farmacistë. Nën tingujt e muzikës marramendëse të DJ Sardit dhe nën shijen e ëmbël e dehëse të kateringut “Te Komuna”, Beauty Fair Albania 2025 hapi dyert për të gjithë që të shijonin edicionin e 7-të të panairit më të madh të bukurisë në Shqipëri.

GetFit Studio by Alma Kulli – Pilates Mat Class

Beauty Fair Albania gjithmonë lidhet me shëndetin dhe kujdesin ndaj vetes sepse bukuria nis nga brenda. GetFit Studio by Alma Kulli solli Pilates Mat Class për një posturë të rregullt, qetësi mendore dhe relaks trupor. Mbi 30 vajza zbukuruan oborrin e Pallatit të Kongreseve dhe i dhanë një tjetër sharm panairit.

MasterClass by Nela Maliqi – Trendet më “IN” të 2025-ës

Një masterclass që vjen për herë të parë nga Nela. Ajo zgjodhi Beauty Fair Albania për të zhvilluar masterclass-in e saj të parë, ku u demonstruan të gjitha teknikat dhe trendet mbi makeup-et më “IN” të 2025-ës. Gjithashtu synimi i saj ishte të ndihmojë thellësisht të gjithë të regjistruarit në përmirësimin dhe avancimin profesional, si dhe për të çuar biznesin e tyre të bukurisë në një tjetër standard.

SELEN Cosmetics MasterClass by Violeta Xhaçka

Pas suksesit të MasterClass-it të parë, Selen Cosmetics erdhi në Beauty Fair Albania me MasterClass-in e dytë për të demonstruar teknikat më të fundit të grimit. Violeta Xhaçka numëron miliona shikime në krijimet e saj të makeup-it, duke e bërë një ndër grimieret më të preferuara për nuset. Ajo zgjodhi të demonstrojë teknikat e 3 grimeve të ndryshme nusërie me një mori produktesh nga Selen Cosmetics.

5678 Dance Studio – Biznesmenët e Vegjël

Në panairin tonë ka pasur gjithmonë hapësirë për të vegjlit dhe brezin e ri. 5678 Dance Studio solli një atmosferë shumë të bukur me 50 fëmijë të moshave 3 deri në 6 vjeç, të cilët performuan kërcime baleti dhe i dhanë ngjyra të mrekullueshme panairit tonë. E ardhmja janë ata dhe ne ishim të lumtur që, përveçse na zbukuruan panairin, bënë dhe një tur në të dy katet e panairit si biznesmenë të vegjël.

Workshop by SKYY Smile Smart Spa – “Rehati moderne dhe dizajn inteligjent”

“Rehati moderne dhe dizajn inteligjent” – ky ishte thelbi i workshop-it nga SKYY. Për klientët që kanë SPA por dhe për dashamirësit që e frekuentojnë atë, u demonstruan sa inovativë, të rehatshëm, me një super dizajn dhe sa modernë janë krevatët e fundit të SKYY Smile Smart Spa. Distributor për Shqipërinë: Klinika SoledMed.

Masterclass nga NATI Water Skincare – “Estetika Bio-Teknologjike”

Në këtë masterclass u demonstruan të gjitha produktet NATI: çdo produkt me mënyrën e aplikimit, teknikat e ndryshme, si mund t’i përdorësh dhe si shkon inovacioni i viteve të fundit me këto produkte. Gjithçka bio por në një hap me teknologjinë. Distributor për Shqipërinë: Klinika SoledMed.

Masterclass nga Dr. Alba Jolla – Hands-On Collagen Biostimulation

Hands-On Collagen Biostimulation për të gjithë të regjistruarit. Një super sukses nga doktoresha Alba Jolla që demonstroi këto 3 pika kryesore: teknika të avancuara të stimulimit të kolagjenit (Advanced collagen stimulation techniques), protokolle trajtimi të sigurta dhe efektive (Safe and effective treatment protocols), si dhe demonstrime live dhe trajnim praktik (Live demonstrations and practical training).

Bashkë për një hap të Leos së vogël

Tradita e çdo edicioni të Beauty Fair Albania na sjell në një moment shumë emocional përmbyllës. Suksesi i këtij panairi nuk mblidhet vetëm nga shumëllojshmëria e markave, shërbimeve dhe bizneseve që rriten në pjesëmarrje, por tek ndërlidhja, bashkëpunimi, shkëmbimi i eksperiencave, komunikimi dhe dashuria për njëri-tjetrin. Patjetër që një dorë e shtrirë, kontributi për të ndihmuar tjetrin dhe humanizmi kanë qenë dhe do të jenë pjesë e jona, për sa kohë ky panair do të ekzistojë.

“Kur mësova për rastin që do të flasim sot, mbeta pa fjalë. Jo për atë që ka ndodhur, mundimet e Leos së vogël dhe familjes së tij, por… mora frymë thellë dhe thashë: po, po, ne të gjithë bashkë mund t'ia dalim dhe Leo do të ecë. Ndaj që në krye të herës kur pata kontaktin me Arbërin e Fundjavë Ndryshe që ma referoi rastin, vendosa: Unë do të jem një prej hapave që Leo do të hedhë sapo të marrë kurimin e duhur.” Kështu, eventi i përvitshëm i Beauty Fair Albania “E bukur je ti, E bukura është Grua” mbështeti Fundjavë Ndryshe për rastin e Leos, ku jo vetëm panairi por edhe shumë klientë të panairit kontribuan për një hap të Leos.