Pas një periudhe joaktive në rrjetet sociale, Instagrami i Klodian Mihajt është rikthyer sërish në duart e tij. Lajmin e ka bërë të ditur vetë Elijona, e cila përmes një postimi ka ndarë me ndjekësit gëzimin e këtij momenti.
“Sot kemi festë”, është shprehur ajo, duke iu referuar rikthimit të llogarisë së Klodianit, ndërsa më herët kishte treguar se mungesa e tij në rrjete sociale ishte komentuar edhe nga persona që, sipas saj, e shihnin me xhelozi.
Kujtojmë se Klodian Mihaj dhe Elijona janë prej kohësh në një lidhje dashurie, një histori që nisi gjatë pjesëmarrjes së tyre në “Big Brother VIP Kosova” dhe vazhdoi edhe pas përfundimit të spektaklit. Çifti ka qenë shpesh në vëmendjen e publikut për afrimitetin dhe momentet që kanë ndarë së bashku.
