Një lajm i kobshëm ka mbërritur ditën e sotme pasi është ndarë sot nga jeta në moshën 68 vjeçare aktori pogradecar, Ilir Shkurti.
Lajmi i trishtë është konfirmuar nga miqtë dhe të afërm të aktorit, të cilët përmes postimeve të bëra në rrjet kanë konfirmuar vdekjen e tij.
Ndarja e tij është një humbje e madhe për komunitetin tonë, por kujtimi i tij do të mbetet gjithmonë i gjallë në zemrat e të gjithëve ne, që e njohëm dhe e vlerësuam për atë çfarë i dha jetës artistike të Pogradecit, e jo vetëm.
Ilir Shkurti ka lindur në qytetin e Pogradecit më 30 dhjetor të vitit 1957, ka interpretuar në disa filma si, “Rrethimi i Vogel”, “Binarët”, “Shkëlqim i “përkohshëm”, “Kush vdes në këmbë”, “Ngjyrat e moshës”. Ilir Shkurti ka qënë pjesë e Estradës të qytetit të Pogradecit.
Ai do të kujtohet për talentin e tij, humorin dhe energjinë që solli në teatër, në Estradën e Pogradecit dhe në kinemanë shqiptare.
Më 30 dhjetor të 2025 Ilir Shkurti festoi 68 vjetorin e tij të lindjes, ndërsa mësohet se fatkeqësisht ka mbyllur sytë përgjithmonë ditën e sotme.
