Një zhvillim i ri duket se po tërheq vëmendjen e ndjekësve të “Big Brother VIP”. Alba Pollozhani ka publikuar së fundmi një foto ku shfaqet krah ish-banorit tjetër të këtij formati, Toni, duke ngritur menjëherë dyshime për një afrim mes tyre.
Në imazhin e postuar, dyshja duken mjaft elegantë dhe të kuruar në detaje. Alba shfaqet me një fustan të gjatë në nuanca të hapura, ndërsa Toni me një veshje klasike në të zeza. Atmosfera dhe stili i paraqitjes kanë bërë që ndjekësit të aludojnë se ata mund të kenë qenë në një takim romantik.
Ky postim ka nxitur menjëherë reagime në rrjetet sociale, ku shumë fansa po spekulojnë nëse Alba ka lënë pas historinë e saj me Lim Hotin. Edhe pse vetë protagonistët nuk kanë dhënë asnjë deklaratë zyrtare, fotoja ka mjaftuar për të ndezur diskutime të shumta.
Mbetet për t’u parë nëse kjo është thjesht një dalje miqësore apo fillimi i një lidhjeje të re që mund të marrë vëmendjen e publikut në ditët në vijim.
