Etiketa prej lëkure në brez të xhinseve, një detaj që ka ekzistuar për më shumë se një shekull, ka një histori interesante që shumë nuk e dinë.
Ky simbol karakteristik u shfaq për herë të parë në vitin 1873 nga kompania “Levi Strauss & Co.”, si një mënyrë për të dalluar xhinset origjinale nga kopjet që po shiteshin si modele origjinale të markës.
Në një kohë kur tregu ishte mbushur me falsifikime të cilësisë më të ulët, Levi’s vendosi të prezantojë një etiketë lëkure me një motiv të gdhendur të dy kuajve që po përpiqeshin të grisin xhinset.
Ky simbol bëri të mundur që klientët të identifikonin lehtësisht produktin origjinal dhe të dallonin cilësinë e tij.
Në atë periudhë, lëkura ishte një material i shtrenjtë dhe i vështirë për t’u marrë, që e bënte të vështirë për falsifikuesit të krijonin kopje autentike.
Për më tepër, etiketat u gdhendën me pajisje speciale, të cilat nuk ishin të disponueshme për ata që prodhonin kopje. Kjo i jepte një avantazh të qartë markës origjinale.
Me kalimin e kohës, zhvillimi i teknologjisë dhe ulja e kostove të prodhimit bënë që lëkura e vërtetë të përdorej më pak, ndërsa arnat e bëra nga materiali jakron, i cili imiton lëkurën, u bë i zakonshëm. Kjo e bëri etiketën më të lirë për t’u prodhuar, por gjithsesi ruajti pamjen e saj karakteristike.
Sot, etiketat e xhinseve prej lëkure dhe najloni nuk kanë më funksionin mbrojtës të identifikimit të markës, por shërbejnë kryesisht për të theksuar emrin, stilin dhe madhësinë e modelit, duke ruajtur një lidhje me dizajnin origjinal të prezantuar nga Levi’s më shumë se një shekull më parë.
