Teksa festoi me disa nga yjet më të mëdhenj të Hollivudit në festën e çmimeve Oscar të Jay-Z në Chateau Marmont, Rihanna i la pak vend imagjinatës me veshjen e saj.
Rihanna u dha 125 milionë ndjekësve të saj në Instagram një vështrim më të afërt të barkut të saj të rrumbullakosur me fotot që postoi mbrëmjen e djeshme.
Këngëtarja e njohur shkëlqeu me fustanin e saj të zi të tejdukshëm nga “Valentino”, i cili ishte krijuar posaçërisht për të nga drejtori kreativ i shtëpisë së modës Pierpaolo Piccioli.
Tek fotot e postuara ajo bënte shaka me ndjekësit e saj duke u shprehur se kishte dalë në një date (pra, takim) me bebushin e saj.
Ajo vuri në pah dekoltenë e saj, teksa pjesa lart e veshjes bënte kontrast me fundin e zi të gjatë të mbuluar me teminat e ndezura.
Riri e kompletoi pamjen e saj mahnitëse me një palë vathë të mëdhenj të rrethuar me diamante, të cilët ishin të përshtatur bukur.
