Franceska Murati ka ndezur kureshtjen e ndjekësve në rrjetet sociale pasi ka publikuar disa foto ku shfaqet me një buqetë gjigante me lule, duke lënë të kuptohet se diçka e bukur po ndodh në jetën e saj personale. Ajo nuk ka zbuluar identitetin e personit që ia ka dhuruar lulet, por kjo ka mjaftuar që fansat të nisin aludimet: kush është mashkulli misterioz? A ka gjetur Franceska sërish dashurinë?
Krahas fotove, Franceska ka shkruar: “Kur një derë mbyllet, një më e mirë hapet. Ndihem shumë e bekuar sot që universi më ka sjellë gjithçka që kam mundur ndonjëherë të dëshiroj dhe më shumë. Ju uroj të gjithëve një fillim muaji të bukur.” Fjalë që për shumë ndjekës u interpretuan si një mesazh i fortë emocional dhe një sinjal për një kapitull të ri në jetën e saj.
