Një ngjarje e rëndë është zbuluar sot në Pogradec. Një 12-vjeçare, pas një vizite në spitalin e Korçës, ka rezultuar shtatzënë, rreth 22-javëshe. Sipas informacioneve paraprake, dyshohet se e mitura është abuzuar seksualisht me forcë nga një i moshuar me njohje familjare me familjen e së miturës.
Rasti është evidentuar pasi vajza kishte ndryshime fizike, çka detyroi prindërit ta çonin në spital për ekzaminim. Pas vizitës, u konfirmua se e mitura ishte shtatzënë. I moshuari, 70 vjeçari Rushan Selko, e ka kërcënuar vazhdimisht të miturën për të mos treguar ngjarjen, ndërsa policia ka bërë arrestimin e këtij të fundit.
