“Dancing with the stars” pritet të nisë shumë shpejt në ekranin e Top Channel dhe deri më tani janë zbuluar tre emrat e parë të konkurrentëve.
Faqja zyrtare e emisionit ka publikuar fotot e Alban Nimanit dhe Sara Hoxhës, ndërsa Isli Islami, i ftuar paraditen e sotme në “Wake Up”, ka treguar se do të jetë pjesë e sallës së madhe së baletit si konkurrent.
Deri më tani produksioni ka zbuluar se formatin do ta drejtojë Bora Zemani, pas shkëputjes nga “Përputhen”, ndërsa pritet që me kalimin e ditëve të zbulohen edhe emrat e tjerë pjesëmarrës në spektakël.
