am Melinda Ademi dhe menaxheri i saj, Granit Muhaxheri, e çuan marrëdhënien e tyre në një tjetër nivel vitin e kaluar, kur u fejuan.
Fillimisht erdhi propozimi romantik, i shoqëruar me një unazë diamanti, ndërsa më pas çifti organizoi edhe një ceremoni intime në praninë e familjarëve.
Që prej atëherë, Melinda dhe Graniti nuk e kanë fshehur lumturinë për marrëdhënien dhe atë që kanë ndërtuar së bashku, por duket se disa prej planeve të tyre preferojnë t’i mbajnë larg vëmendjes së publikut.
Së fundmi, reperja është pyetur nga “Artistët Shqiptarë” pikërisht për hapin e radhës: A do të ketë së shpejti dasmë?Melinda nuk ka dhënë as një “po” dhe as një “jo”, duke zgjedhur një përgjigje që lë hapësirë për interpretime.“Nuk dua të tregoj, nuk është interesante nëse tregoj gjithçka”, u shpreh ajo në një prononcim për “Artistët Shqiptarë”.Përgjigjja e reperes ka ngritur natyrshëm pikëpyetjen nëse çifti mund të jetë duke përgatitur diçka larg syrit të publikut. Megjithatë, Melinda nuk ka konfirmuar se një dasmë është planifikuar.Ndërkohë, artistja vazhdon një periudhë intensive profesionale, me koncerte dhe mbrëmje muzikore, ndërsa për planet e saj personale duket se ka vendosur të ruajë pak mister.
