Artisti dhe ish-konkurenti i Shqipërisë në Eurovizion, Luiz Ejlli ka reaguar ashpër pas përfundimit të natës finale të këtij festivali, duke ngritur akuza për mungesë meritokracie dhe votime të politizuara pasi Shqipëria u rednit në vend të tetë.
Përmes një postimi në Instagram, ai shprehet se Eurovizioni është festivali ku “zëri vlen vetëm nëse vjen me pasaportën e duhur” duke shtuar se talenti dhe profesionalizmi i artistëve shqiptarë nuk është vlerësuar sa duhet në skenën evropiane.
“Rona Nishliu? I bëri europianët të kërkonin kufje të reja, nga shoku vokal,” shkruan Ejlli, ndërsa për Anjeza Shahinin thekson se ajo e përfaqësoi vendin kur “askush nuk dinte ku binte Shqipëria në hartë”.
Në mesazhin e tij ai ironizon votimet e vendeve pjesëmarrëse, duke thënë se “votojnë njëra-tjetrën si në darkë familjare”, ndërsa Shqipëria “rrin në tavolinën e fëmijëve me 0 pikë”.
