Paraqitja e Kim Kardashian në Met Gala 2022 tërhoqi vëmendje të madhe dhe të gjithë sytë ishin tek ajo.
Ajo u shfaq në Met Gala me fustanin që Marilyn Monroe veshi për t’i kënduar “Gëzuar ditëlindjen” Presidentit JFK në vitin 1962. Kim u ndje e privilegjuar që u shfaq në Met Gala 2022 me një veshje kaq ikonike.
Por sigurisht bukuria dhe veçantia e Kim në Met Gala u shoqërua me shumë sakrifica. Të futesh në fustanin vintage nuk ishte një punë e lehtë për të.
“E provova dhe nuk më përshtatej. I thashë, ‘Më jepni tre javë kohë’. Më duheshin të humbisja 16 kilogramë”, pranoi Kardashian.
Ajo shtoi më pas se për të ishte një sfidë.
“Ishte si një rol [film]. Isha e vendosur të përshtatesha[në] të. Ndoqa një dietë dramatike në të cilën nuk kam pasur karbohidrate apo sheqer për rreth tre javë. Ne do bëjmë një festë me pica dhe donut në hotel [pas Met Gala]”.
Kardashian e risolli vërtet Monroe-n duke i lyer flokët e saj në bjonde platin, të stiluar në një topuz elegant, për të tërhequr të gjithë pamjen.
