Ngjyra jeshile vazhdon të jetë trend edhe për këtë sezon. Pothuajse të gjitha nuancat e jeshiles i kemi parë kudo tek vajzat fashioniste dhe jo vetëm.
Maluma i cili realizoi koncertin e tij në Tiranë ishte veshur me një xhup oversize ngjyrë jeshile duke na rikthyer në vëmendje se kjo ngjyrë do jetë trend e për një kohë shumë të gjatë.
Jeshilja kërkon guxim për t’u përdorur, por ama është një zgjedhje e shkëlqyer për t’u dukur me plot stil. Edhe vajzat VIP shqiptare mesa duket nuk i kanë rezistuar dot dhe e kanë përqafuar si trend.
Dimri nuk ishte edhe aq i mërzitshëm përderisa pamë kudo ngjyrën jeshile dhe e sigurt është që do ta shohim akoma më shumë edhe gjatë sezonit të pranverës.
Për hir të së vërtetës, askujt nuk do t’i shpëtoni nga sytë nëse shfaqeni e veshur me këtë ngjyrë. So, go green! ?
Nëse ende nuk jeni të bindura, hidhuni një këtyre personazheve sesi e kanë kombinuar ngjyrën jeshile.
