Vrasja e të riut Eglant Koçi ka shkaktuar tronditje të madhe dhe ka ngjallur reagime të shumta në rrjetet sociale. Miq, të afërm dhe figura publike kanë shprehur dhimbjen për humbjen e tij, duke ndarë kujtime dhe mesazhe ngushëllimi.
Mes tyre është edhe Kejsi, ish-banor i “Big Brother VIP Albania”, i cili ka reaguar përmes një postimi në rrjetet sociale. Ai ka publikuar një fotografi të Eglantit dhe i ka kushtuar disa fjalë prekëse mikut të tij.
“Njerëzit e mirë largohen shpejt, por kujtimet që lënë pas mbeten përgjithmonë. Sot zemra rëndohet për humbjen e mikut tonë Eglant. Prehu në paqe, vëlla. Ngushëllime familjes dhe të gjithë të afërmve”, shkruan Kejsi në mesazhin e tij.
Ngjarja e rëndë ka tronditur opinionin publik dhe ka rikthyer vëmendjen te fenomeni i konflikteve që përfundojnë në tragjedi. Ndërkohë, autoritetet po vazhdojnë hetimet për të sqaruar plotësisht rrethanat e ngjarjes.
Sipas informacioneve paraprake, personi i dyshuar për krimin mbetet ende në arrati, ndërsa policia ka intensifikuar kërkimet për lokalizimin dhe arrestimin e tij.
Ngjarja ka tronditur opinionin publik, ndërsa autoritetet po vijojnë hetimet për zbardhjen e plotë të rrethanave të krimit. Uniformat blu janë ende në kërkim të autorit i cili dyshohet se ka ndryshuar pamje dhe po fshihet.
