Pas një mungese të gjatë nga ekrani i Top Channel, Luana Vjollca rikthehet aty ku nisi rrugëtimin dhe ku u rrit profesionalisht. Moderatorja e dashur për publikun do të jetë nesër e ftuar në emisionin “Goca dhe Gra”, ku pritet të ndajë me shikuesit shumë rrëfime, surpriza dhe plane për të ardhmen.
Rikthimi i saj në Top Channel konsiderohet një moment i veçantë, duke rikujtuar lidhjen e fortë që Luana ka pasur gjithmonë me këtë ekran. Publiku mezi pret ta shohë sërish në ambientin që e pa të rritej dhe të shkëlqente ndër vite.
