Zhvillime të reja rreth Big Brother VIP. Alketa Vejsiu ka ndezur aludimet për një rikthim në ekranin e Top Channel, pasi së fundmi ka publikuar një foto në shoqërinë e Ledion Liços, moderatorit të formatit.
Ky postim ka mjaftuar që rrjetet sociale të shpërthejnë në komente, ku shumë ndjekës po aludojnë se Alketa mund të jetë opinionistja e re e Big Brother VIP, duke zëvendësuar Arber Hajdarin.
Dyshimet janë shtuar edhe më shumë pasi ditën e sotme Arber Hajdari ka zbuluar se nuk ndodhet në Shqipëri, duke publikuar pamje nga jashtë vendit, çka ka ngritur pikëpyetje mbi angazhimin e tij në spektaklin e njohur.
