Moderatorja e njohur dhe njëherazi Ish-banorja e “Big Brother VIP 4”, Valbona Mhilli, ka ndarë me ndjekësit e saj në “Instagram” një lajm të trishtë, ajo ka humbur një njeri të shtrejtë.
Ajo njoftoi se gjyshja e saj ka ndërruar jetë dhe ikja e saj i ‘theu zemrën sërish’. Valbona ka publikuar në “Instastory” një fotografi ku gjyshja shfaqet e shtrirë në krevat dhe pranë saj qëndron bashkëshorti.
“Nuk kam besuar te dashuria, por ju të dy, gjyshi e ti nana, ishit shembulli im që dashuria e vërtetë ekziston dhe nuk vdes kurrë. Sot zemra na u thye sërish… Gjyshi mbeti vetëm, i pikëlluar dhe me shpirt të lodhur, sepse ti ishe jeta e tij, drita e çdo dite.
Nana, u theva prapë, tani ike edhe ti. Por ngushëllimi im i vetëm është që sot jeni bashkë me babin – aty ku nuk ka më dhimbje, vetëm paqe.
Ne mbetëm këtu me lot, mall e kujtime që nuk shuhen kurrë. Dashuria juaj do të jetojë përgjithmonë në zemrat tona”, shkruan Valbona.
