Këngëtari dhe ish-banori i Big Brother VIP, Marku, ka reaguar pas lajmeve të qarkulluara se një lëndë plasëse e vendosur në një banesë në Fushë-Kuqe kishte si shënjestër atë.
Ai i ka mohuar këto pretendime, duke theksuar se nuk ka qenë objektiv i ndonjë shpërthimi.
“Rreth asaj që po flitet për mua, nuk është e vërtetë. Organet shtetërore kanë nxjerrë një deklaratë shumë të qartë se ku ka ndodhur, ndërsa portalet hamendësojnë sikur të ishin pjesë e asaj ngjarjeje, ishte për të e për atë. Ju detyrohem t’ju sqaroj që nuk qëndron kështu e vërteta. Faleminderit për secilin nga ju që ka shprehur merakun me mesazhe“, tha Marku.
