Pas javësh të tëra spekulimesh dhe zërash që qarkullonin në rrjet, më në fund vjen edhe e vërteta: Rizarta dhe Xeni nuk janë në një lidhje dashurie. Ka qenë vetë ish-banori i Big Brother VIP ai që ka vendosur t’i japë fund aludimeve, duke sqaruar publikisht statusin e tij.
Madje, Xeni ka habitur të gjithë me një tjetër detaj: ai është tashmë në një lidhje serioze, e cila po zhvillohet larg syve të publikut.
Ky sqarim i qartë i ka dhënë fund thashethemeve që prej kohësh po e ndiqnin dyshen, duke treguar edhe njëherë se jo çdo afërsi duhet lexuar si romancë. Tashmë, fansat mund të shohin Rizartën dhe Xenin si dy miq të mirë, pa keqkuptime dhe pa aludime.
