Kombëtarja shqiptare do të përballet pas pak minutash me Andorrën, në kuadër të kualifikuesve të Botërorit 2026. Sfida që do të zhvillohet në stadiumin “Estadi de la FAF”, nis në orën 20:45.
Ndërkohë që para këtij dueli, trajneri Sylivnho është paksa i frikësuar për shkak se 3 futbollistë janë të ndëshkuar me kartonë të verdhë. Mario Mitaj, Juljan Shehu dhe Rey Manaj kanë karton.
Pikërisht këta 3 lojtarë rrezikojnë sfidën me Anglinë, në rast se do të ndëshkohen sonte. Nëse njëri prej 3 futbollistëve do të ndëshkohej sonte me karton të verdhë, do të ishte mungesë e sigurt ndaj “3 luanëve”.
