Eni Lena, jeton në Shtetet e Bashkuara të Amerikës, ndërsa disa vite më parë ishte pjesë e Top Channel si grimiere.
Sot ajo profesionin e vijon në emigrim ndërsa pati mundësinë të risjellë edhe njëherë imazhin e Parashqevi Simakut, të cilin ne e kemi njohur dikur.
Në një intervistë për Top Channel, Eni tregon më shumë për artisten e rikthyer në vëmendjen e publikut.
“Ishte fat të kisha për grim Parashqevi Simakun, ishte kënaqësi shumë e madhe. Dita kur ne lamë takimin për të ndryshuar imazhin e saj, për ta sjellë si në rininë e saj, ishte dita kur doli nga spitali. Punën e nisëm vonë, ishte ora 18:00 dhe na u desh gjashtë orë. Bëmë lyerjen e flokëve, prerjen, make up-in, për të cilin kam përdorur një teknikë me shumë dritëhije. Stiluam flokët për të dhënë atë baluken tipike të atyre viteve”, tregon Eni në intervistën me gazetaren Alma Demiraj.
