Për çfarë mund të ketë nevojë një tip lëkure, nuk mund të ketë një tjetër ndaj, kujdesi i fytyrës nuk mbaron vetëm duke e larë dhe lyer me një krem hidratant.
Rutina duhet të jetë e specializuar për çdo lloj lëkure dhe nuk duhet “përgjithësuar”. Një herë në javë duhet të largoni shtresat e vdekura të lëkurës gjë e cila arrihet përmes ‘scrub-it’.
Ekzistojnë shumë preparate të gatshme në dyqane të cilat mund të largojnë papastëritë e lëkurës, por mënyra më e mirë është t’i përgaitsni gjithnjë vetë në shtëpi, sidomos kur janë gjëra të lehta. Mjafton pak sheqer, kripë ose sodë buke dhe ujë.
Formoni një pastë dhe aplikojeni lehtë në fytyrën tuaj me lëvizje rrethore. Kjo gjë është pakëz e dhimbshme prej kokrrave të sheqerit apo kripës, por pikërisht kjo gjë do të japë rezultate. Ju mund të kombinoni shumë përbërës të tjerë si limon, mjaltë, sheqer apo kanellë.
