Një fotografi e shpërndarë së fundmi në rrjetet sociale ka ndezur menjëherë reagime dhe aludime lidhur me jetën private të poetes së njohur Mimoza Ahmeti.
Në imazhin që po qarkullon online, ajo shihet në shoqërinë e një djali të ri, çka ka mjaftuar që ndjekësit të nisin menjëherë komentet dhe hamendësimet se mund të bëhet fjalë për Leon, personazhin e përmendur shpesh nga vetë poetja gjatë qëndrimit të saj në “Ferma VIP”.
Megjithatë, deri në këto momente nuk ekziston asnjë konfirmim zyrtar apo deklaratë nga vetë Mimoza apo rrethi i saj i afërt që të vërtetojë identitetin e personit në foto apo natyrën e raportit mes tyre.
Ajo që ka shtuar edhe më shumë dyshimet është fakti se emri i Leos është përmendur disa herë nga poetja gjatë bisedave dhe debateve në fermë, duke nxitur vazhdimisht kureshtjen e publikut për jetën e saj sentimentale, por pa zbuluar ndonjë detaj konkret.
Ndërkohë, në rrjet kanë nisur edhe diskutime të tjera lidhur me vetë autenticitetin e fotos. Një pjesë e përdoruesve pretendojnë se imazhi duket i gjeneruar me inteligjencë artificiale, duke vënë në pikëpyetje nëse fotografia është reale apo e manipuluar digjitalisht.
Për momentin, gjithçka mbetet në kuadrin e aludimeve, ndërsa detajet rreth këtij raporti pritet të sqarohen vetëm pas përfundimit të rrugëtimit televiziv të Mimoza Ahmetit.
