Pas vlerësimit me titullin “Misionar i vlerave” nga Fondacioni “Arben Tafaj”, ku u nderuan Miri dhe Landi si pjesë e grupit “West Side Family”, nuk ka munguar edhe një reagim emocional nga bashkëshortja e Mirit.
Përmes një postimi në rrjetet sociale, ajo shprehu krenarinë dhe mbështetjen e saj për arritjen e tyre, duke shkruar: “Krenare për ju çunat ❤️”. Mesazhi i saj i thjeshtë, por domethënës, u prit me shumë reagime pozitive nga ndjekësit.
Çmimi vjen si një vlerësim për kontributin artistik dhe ndikimin e “West Side Family” në kulturën muzikore shqiptare, si dhe për rolin e tyre si frymëzim për të rinjtë.
Ky moment duket se ka qenë jo vetëm një sukses profesional për artistët, por edhe një moment krenarie për familjet e tyre.
