Deklarata e Leonora Jakupit në lidhje me banoren Dolçe gjatë një bisede për “Big Brother VIP” ka ngjallur reagime të shumta në rrjetet sociale. Këngëtarja u kritikua nga një pjesë e publikut për shprehjen e saj: “Më shpejt gjen meshkuj tiatje se sa më zë mua gjumi”, e cila u interpretua nga disa si e ashpër apo ironike.
Pas valës së komenteve dhe kritikave, Leonora ka zgjedhur të reagojë përmes një postimi në Instagram, duke dhënë mesazhin e saj të qartë dhe të drejtpërdrejtë. Në postimin e publikuar, ajo shkruan:
“Ajo çfarë them reflekton atë që jam! Ju dua”
Me këtë reagim, Leonora duket se qëndron e palëkundur në qëndrimet e saj, duke theksuar se fjalët e saj janë pasqyrim i personalitetit dhe sinqeritetit të saj, pa pasur qëllim të lëndojë askënd.
Ndërkohë, reagimet e publikut vijojnë të jenë të ndara, me disa që e mbështesin hapur artisten për sinqeritetin e saj, dhe të tjerë që vazhdojnë ta kritikojnë për mënyrën e shprehjes.
