Produksioni i Big Brother VIP Kosova 4 ka reaguar zyrtarisht lidhur me një incident të ndodhur me banoren Alba Pollozhani. Sipas njoftimit të bërë publik, Alba është rrëzuar dhe si pasojë është transportuar menjëherë në urgjencën e Spitalit Amerikan.
Në reagimin e produksionit thuhet se ajo ndodhet aktualisht nën përkujdesjen e mjekëve, ku po merr trajtimin e nevojshëm dhe po monitorohet nga stafi shëndetësor. Gjendja e saj po ndiqet nga afër, ndërsa janë duke u kryer të gjitha procedurat mjekësore përkatëse.
Produksioni ka siguruar publikun se do të informojë në vijim për çdo zhvillim të ri lidhur me shëndetin e Albës dhe falënderon ndjekësit për mirëkuptimin dhe mbështetjen.
