Në orët e fundit, familja dhe menaxhmenti i Elijona Binakajt kanë bërë një reagim publik lidhur me disa situata të transmetuara në shtëpinë e “Big Brother”. Sipas tyre, Eljona është vënë nën presion të madh psikologjik nga disa banorë, duke përfshirë sjellje që ata i konsiderojnë si intimidim, heshtje të detyruar dhe veprime të papranueshme ndaj saj.
Në deklaratën e publikuar në rrjete sociale, familja kërkon ndërhyrje të menjëhershme të produksionit për të garantuar mirëqenien, sigurinë dhe të drejtën e një ambienti të shëndetshëm gjatë qëndrimit të Eljonës në shtëpi.
“Eljona është aty për të konkurruar, jo për t’u përballur me presion ose provokime që tejkalojnë kufijtë e lojës,” thuhet në reagim, duke theksuar se kërkohet transparencë dhe veprim i shpejtë nga stafi i programit.
Familjarët falënderuan publikun për mbështetjen dhe kujdesin që tregojnë ndaj saj.
