“Kush na ka mallkuar?” Këngëtari shqiptar aksidentohet me automjet, ja si paraqitet gjendja e tij shëndetësore

Mevlan Shaba, i cili është dhe një ndër figurat më të komentuara në median “rozë” si në Shqipëri, po ashtu dhe në Kosovë, është përfshirë në një aksident.
Ka qenë vetë këngëtari dhe ish-banori i Big Brother Vip Kosova, ai i cili përmes një video në rrjetet e tij sociale ka bërë me dije se pasditen e kësaj të diele është aksidentuar me automjetin e tij.
Në pamje shihet makina e tij luksoze teksa ka pasuar dëmtime në pjesën e përparme, ndërkohë që fatmirësisht vetë këngëtari ka shpëtuar pa lëndime.
“Kush na ka mallkuar?”, shkruan ai krah videos.