Këngëtarja Fifi ka bërë të ditur një vendim të papritur përmes një postimi në InstaStory. Artistja njoftoi se ka vendosur të shtyjë publikimin e të gjitha projekteve të planifikuara për muajt qershor, korrik dhe gusht, derisa të qetësohet situata me protestat.
“Kam vendosur krejt projektet e mia që kam pas me i lansu periudhën Qershor–Korrik–Gusht, deri sa të qetësohet protesta, mos me i publiku”, shkroi ajo.
Fifi theksoi se ky është një vendim i marrë në shenjë respekti për popullin, duke shtuar: “Me shumë respekt për popullin e Shqipnisë etnike që më ka sjellë këtu ku jam sot.”
Me këtë reagim, artistja tregon se në këtë periudhë ka zgjedhur të vendosë solidaritetin mbi angazhimet artistike, duke lënë të kuptohet se projektet e reja do të publikohen vetëm pasi situata të normalizohet.
