Këngëtarja shqiptare me famë botërore Dua Lipa dhe bashkëshorti i saj, aktori Callum Turner, po shijojnë muajin e mjaltit në Itali, vetëm pak ditë pas dasmës së tyre.
Më 12 qershor, çifti i sapomartuar u fotografua në brigjet e Amalfi Coast, në zonën e Salerno, duke notuar, përqafuar dhe shkëmbyer puthje mbi një dyshek lundrues në det. Dua Lipa u shfaq me bikini të arta metalike dhe një shami në flokë, ndërsa Callum Turner kishte zgjedhur një kostum të zi plazhi.
Sipas raportimeve, çifti kurorëzoi dashurinë më 6 qershor në Villa Valguarnera, në Palermo. Gjatë ceremonisë, legjenda e muzikës Elton John thuhet se interpretoi në piano këngën e tij të famshme Your Song. Para ceremonisë në Sicili, ata kishin zhvilluar edhe një martesë civile në Old Marylebone Town Hall më 31 maj.
Në dasmën madhështore, Dua Lipa veshi një krijim të markës Schiaparelli, të dizajnuar nga Daniel Roseberry. Veshja u kompletua me këpucë të Christian Louboutin dhe një kapelë të stilistit Stephen Jones. Ndërkohë, Callum Turner u paraqit me një kostum elegant blu të errët.
