Pas shpalljes së Mozës si finalistja e parë, publiku i Ferma VIP ka vendosur edhe emrin e finalistit të dytë. Bujaka ka siguruar zyrtarisht një vend në finalen e madhe, duke konfirmuar pritshmëritë e krijuara prej ditësh mes fansave të spektaklit.
Interesant është fakti se sondazhi i zhvilluar nga BeautyFair Albania kishte parashikuar saktësisht këtë rezultat. Në votimin e publikuar para shpalljes zyrtare, Bujaka kryesonte me 49% të votave, duke u renditur si favoriti kryesor për të siguruar biletën drejt finales.
Rezultati i mbrëmjes tregoi se mbështetja e publikut për të ishte reale, ndërsa sondazhi rezultoi një tregues i saktë i preferencave të ndjekësve. Me Mozën dhe Bujakën tashmë të konfirmuar si finalistë, gara hyn në fazën më të nxehtë, ndërsa publiku pret me padurim të mësojë emrat e finalistëve të tjerë dhe fituesin e madh të këtij edicioni.
