Një lëvizje e fundit në rrjetet sociale ka ngritur dyshime të forta për raportin mes Brikenës dhe Mateos. Dyshja, e cila u komentua gjatë për afrimitetin e krijuar në “Big Brother VIP Albania”, duket se ka fshirë nga profilet e tyre fotot dhe videot ku shfaqeshin bashkë.
Ky detaj nuk ka kaluar pa u vënë re nga ndjekësit, të cilët kanë nisur menjëherë aludimet për një krizë apo edhe ndarje mes tyre. Situata është bërë edhe më dyshuese pas një InstaStory të publikuar nga Brikena, ku ajo shfaqte një zemër të thyer, pa dhënë asnjë shpjegim tjetër.
Megjithatë, edhe pse kanë larguar postimet e përbashkëta, një detaj tjetër ka bërë lëmsh rrjetin të dy vazhdojnë të mbajnë foto profili ku shfaqen bashkë.
