Një zhvillim i papritur ka ndodhur gjatë orëve të vona të natës në “Ferma VIP”.
Kjo pasi këngëtarja e njohur dhe një nga personazhet më të lakuar të këtij edicioni, Jonida Maliqi, ka vendosur të ndërpresë përfundimisht rrugëtimin e saj, duke u larguar nga gara në mënyrë të befasishme.
Ngjarja ka ndodhur pas përfundimit të spektaklit “Prime”. Në orët e vona të natës, Jonida është parë duke marrë valixhet e saj dhe duke braktisur përfundimisht ambientet e fermës.
Ajo është përshëndetur me banorët duke i thënë se ky ishte një vendim që e mori me dëshirën e saj.
