Këngëtari Besart Kelmendi, i njohur për publikun si Gjesti, është lënë në paraburgim për një muaj nga Gjykata Themelore në Prishtinë. Vendimi vjen pas një incidenti të ndodhur pak ditë më parë në zyrat e kompanisë “Onima”, ku artisti dyshohet për kanosje, dëmtim të pasurisë dhe mbajtje pa leje të armës.
Gjatë seancës dëgjimore, Gjesti ka shprehur pendesë, duke pranuar se veprimet e tij kanë qenë në gjendje afekti.
“Jam në ankth, kam vepruar në gjendje të afektit. I kërkoj falje gjykatës, prokurorit si dhe palës së dëmtuar”, ka deklaruar ai.
