A e mbani mend Alvisa Qarrin, vajzën simpatike dhe shpërthyese që bëri bujë me pjesëmarrjen e saj në reality show-n Për’puthen? Edhe pse për shumë javë ishte një nga personazhet më të komentuara të programit, duket se dashuria e vërtetë nuk e priste aty.
Pas largimit nga ekrani, Alvisa zgjodhi të jetë më diskrete me jetën e saj personale, duke mos ndarë shumë detaje nga marrëdhëniet apo përditshmëria e saj. Megjithatë, së fundmi ajo ka surprizuar ndjekësit me një lajm shumë të bukur.
Ish-konkurrentja e njohur ka zbuluar se është në pritje të ëmbël, duke nisur kështu një kapitull të ri në jetën e saj. Lajmi është pritur me shumë urime dhe reagime pozitive nga ndjekësit në rrjetet sociale.
Edhe pse nuk ka dhënë shumë detaje rreth partnerit apo shtatzënisë, duket se për Alvisën kjo periudhë është ndër më të lumturat e jetës së saj.
