Romir Zalla dhe Akil Varfi janë dy nga emrat e parë që po përfliten si të konfirmuar për t’u bërë pjesë e Ferma VIP 3.
Akili ka spikatur në skenën e Portokalli dhe së fundmi është shfaqur edhe në filmin Loja e fundit.
Pjesëmarrja e tij në reality show duket se ka ardhur me një sakrificë profesionale. Gjatë mbledhjes së parë të kastit të “Portokallisë” për sezonin e ri, Revista Bordo zbulon se Akili ka njoftuar se nuk do të jetë më pjesë e spektaklit të humorit. Ai u ka bërë të ditur kolegëve se arsyeja lidhet drejtpërdrejt me angazhimin e tij në “Ferma VIP 3”, e cila pritet të nisë transmetimin gjatë muajit mars.
Me zbulimin e këtyre emrave, pritshmëritë për edicionin e ri janë rritur ndjeshëm. Mbetet për t’u parë se çfarë dinamike do të sjellë Akil Varfi në fermë dhe si do të përshtatet ai nga skena e humorit në sfidat e një reality show.
