Vera është një kohë e mrekullueshme për të shijuar detin, diellin dhe pushimet, por këto elemente mund të lënë pasoja të dukshme në flokët tanë. Kripa e detit, uji me klor në pishina dhe ekspozimi i zgjatur në diell i dëmtojnë fijet e flokëve, duke i bërë ato të thahen, humbasin shkëlqimin, forcen dhe elasticitetin. Për fat të mirë, ka mënyra efektive dhe natyrale për t’i rikuperuar flokët pas verës.
1. Shpëlarje e Thellë për Heqjen e Kripës dhe Klorit
Pas çdo dite në det ose pishinë, është thelbësore të shpëlani flokët me ujë të bollshëm. Megjithatë, shpëlarja me një përzierje uji dhe uthulle molle (1 lugë gjelle në 1 gotë ujë) mund të ndihmojë në heqjen e mbetjeve të kripës dhe klorit dhe të rivendosë balancën e pH-së në lëkurën e kokës.
2. Maska Ushqyese me Përbërës Natyralë
Flokët kanë nevojë për hidratim të thellë. Ja disa receta të thjeshta:
Maska me Avokado dhe Vaj Ulliri
1 avokado e pjekur
2 lugë vaj ulliri
1 lugë mjaltë
Përziejini dhe aplikoni në flokë për 30 minuta para larjes. Jep hidratim dhe rigjenerim intensiv.
Maska me Kos dhe Vaj Kokosi
3 lugë kos natyral
1 lugë vaj kokosi
Kjo maskë është ideale për flokë të djegur dhe të thatë.
3. Përdorimi i Vajrave Natyralë
Pas tharjes me peshqir, aplikoni disa pika nga një prej vajrave të mëposhtëm në majat e flokëve:
Vaj argani – për zbutje dhe shkëlqim
Vaj jojoba – për flokë me yndyrë në rrënjë, por të thatë në maja
Vaj bajame – për ushqim të thellë dhe mbrojtje ndaj nxehtësisë
4. Shmangni Mjetet me Nxehtësi për Disa Javë
Flokët tashmë janë të dëmtuar nga rrezet UV, ndaj mjetet si tharësja, piastra dhe loku duhet të evitohen për disa kohë. Lejoni flokët të thahen natyralisht dhe përdorni krehër me dhëmbë të rrallë për t’i zbërthyer pa i dëmtuar më tej.
5. Pritja e Majeve të Dëmtuara
Nëse flokët duken të djegur apo kanë maja të çara, një prerje e lehtë do t’i japë freski pamjes suaj dhe do ndihmojë flokët të rriten më të shëndetshëm.
6. Kura Me Vitamina dhe Suplemente
Flokët e dëmtuar kanë nevojë edhe për mbështetje nga brenda. Konsumoni:
Biotinë
Vitaminë E dhe C
Omega-3 (në formë suplementi ose nga ushqime si arrat, peshku, farat e linit)
7. Përdorni Produkte me Mbrojtje UV për Flokët
Ashtu si lëkura, edhe flokët kanë nevojë për mbrojtje nga dielli. Sot ka shumë sprej ose kremra për flokë me filtër UV, të cilat formojnë një shtresë mbrojtëse dhe ndihmojnë në ruajtjen e ngjyrës dhe lagështisë.
