Një zjarr i ri Kenneth ka shpërthyer në veri të zjarrit Palisades duke kërcënuar shtëpitë pranë Calabasas dhe Hidden Hills. Zjarri i ri shpërtheu të enjten pasdite (9 janar) dhe do të kërcënojë shtëpitë e Kardashians.
Mediat e huaja shkruajnë se zjarri besohet të jetë ndezur qëllimisht dhe një i dyshuar është në paraburgim, sipas LAPD. Shkaqet e të gjitha zjarreve janë nën hetim aktiv, por mijëra ndërtesa dhe biznese janë shkatërruar.
Kim Kardashian ka një rezidencë prej 70 milionë dollarësh në Malibu dhe ishte në rrezik të konsiderueshëm për shkak të zjarreve. Megjithatë, nuk është konfirmuar si e djegur.
Sipas një përdoruesi në X, ajo u “evakuua nga prona e saj e Hidden Hills, e cila është afër zonave të evakuimit”, por kjo nuk është konfirmuar zyrtarisht.
Kourtney Kardashian jeton gjithashtu në Calabasas, e cila ishte nën kërcënim, por nuk ka raportime për shtëpinë e saj të shkatërruar. Kylie Jenner dhe Kendall Jenner kanë prona në zonë, por nuk përmendet specifikisht se shtëpitë e tyre janë djegur.
