Grupi i njohur “One Direction” ishte duke planifikuar një rikthim të mundshëm në skenë para tragjedisë që i mori jetën këngëtarit Liam Payne, më 16 tetor. Sipas një burimi të afërt, të pesë anëtarët, përfshirë edhe Zayn Malik, i cili kishte lënë grupin më parë, ishin në bisedime për të organizuar një shfaqje të fundit bashkë, para ngjarjes tragjike që ndryshoi gjithçka.
Megjithatë, pas humbjes së papritur të Payne, planet për rikthimin janë pezulluar, por burimi theksoi se ka ende mundësi për të realizuar koncertin. Sidoqoftë, kjo do të ishte një ngjarje krejt ndryshe, pasi anëtarët e grupit janë të tronditur dhe ende nuk janë gati ta konsiderojnë këtë si një projekt të ardhshëm.
Djemtë janë të shkatërruar nga humbja e Liamit
– tha burimi, duke shtuar se ata do të dëshironin të bënin një homazh për të. Pas tragjedisë, marrëdhëniet mes anëtarëve të grupit, përfshirë Harry Styles, Niall Horan, Louis Tomlinson dhe Zayn Malik, janë bërë më të ngushta, edhe pse më parë ata kishin kontakte sporadike dhe nuk ishin miqësuar thellë.
Sipas raportimeve, vdekja e papritur e Payne ka shkaktuar një trishtim të thellë te djemtë dhe ka vepruar si një “thirrje zgjimi” për ata që kalojnë momente të vështira apo situata jo fort të mira.
Ata janë duke kontrolluar njëri-tjetrin dhe ndihen më të lidhur se kurrë më parë. Ky moment i vështirë ka sjellë një bashkim të ri mes tyre, edhe pse ende po kalojnë nëpër një periudhë zie të thellë.
