Pas konfirmimit të ndarjes nga Elijona, edhe Klodi ka reaguar për herë të parë publikisht, duke iu drejtuar ndjekësve të tij përmes një shkrimi në Instagram.
Ish banori i Big Brother VIP Kosova bëri të qartë se mes tyre nuk ka pasur tradhti apo keqtrajtim, duke hedhur poshtë teoritë që kanë qarkulluar ditët e fundit.
“Për sa i përket teorive të shumta, më duket e kotë edhe që po më duhet t’i adresoj, por u bë pak e tepërt. Nuk ka pasur kurrë as tradhti dhe as keqtrajtim prej anës time. Kam dëgjuar shumë gjëra për veten dhe është e rëndë si për mua, ashtu edhe për familjen time”, shkroi ai.
Klodi shtoi se dashuria dhe respekti për Elijonën do të mbeten gjithmonë, ndërsa për arsyet e ndarjes zgjodhi të mos japë më shumë hollësi.
“Koha do të tregojë çdo gjë”, ishte fjalia me të cilën ai e përmbylli reagimin.
