Ish-fituesi i “Big Brother VIP Albania”, Luiz Ejlli, gjithnjë e më shumë tërheq vëmendjen e publikut dhe mediave.
Së fundmi, ai ka “trazuar” rrjetet sociale me një postim në InstaStory, teksa po shijon pushimet familjare në Turqi.
Gjatë qëndrimit të tij atje, Luizi ka takuar aktorin e njohur turk Kenan Imirzalioglu, i cili është shumë i dashur për publikun shqiptar për rolin e tij në serialin “Ezel”.
Në foton e publikuar, të dy shfaqen të buzëqeshur krah njëri-tjetrit. Megjithatë, ajo që tërhoqi më shumë vëmendjen ishte mbishkrimi që Luizi e ka shoqëruar foton, duke shkruar: “Ezel 2. Së shpejti”.
