Në “Beauty Fair Albania 2026”, stenda nr. 5 sjell një atmosferë elegance, arti dhe identiteti modern përmes universeve të krijuara nga “Keisi Cosmetics” dhe “L’âme de mon âme”.
Me një estetikë bashkëkohore dhe filozofi të ndërtuar mbi vetëbesimin dhe individualitetin, “Keisi Cosmetics” prezanton produkte makeup-i që shkojnë përtej ngjyrës dhe tendencave të momentit. Çdo detaj, nga pigmentet te teksturat, është menduar për të krijuar një ndjesi luksi, force dhe elegance në përditshmëri.
Produktet e brandit, të prodhuara në Kanada dhe të certifikuara sipas standardeve më të larta, ndërthurin formulat profesionale me finesën moderne, duke sjellë një eksperiencë makeup-i të sofistikuar dhe autentike.
Në të njëjtën hapësirë prezantohet edhe “L’âme de mon âme” nga Keisi Pengili, një koleksion parfumesh niche të prodhuara në Francë, ku aroma kthehet në emocion dhe kujtesë.
Të krijuara me kompozime unike dhe nota të rafinuara, këto parfume nuk synojnë vetëm të lënë aromë, por të krijojnë ndjesi dhe histori personale. Çdo parfum mbart një identitet të veçantë dhe lidhet natyrshëm me stilin, energjinë dhe shpirtin e personit që e zgjedh.
Në stendën nr. 5 të “Beauty Fair Albania 2026”, vizitorët kanë mundësinë të zbulojnë një botë ku makeup-i dhe parfumeria takohen me luksin modern, elegancën dhe artin e të shprehurit përmes bukurisë.
