Xhinset me çarje anësore poshtë (te fundi i këmbës) janë rikthyer sërish në modë, pasi dikur ishin shumë të përhapura, u zhdukën për një periudhë dhe tani po bëhen përsëri trend. Figura të njohura të modës kanë filluar t’i veshin sërish, duke i kthyer në një nga zgjedhjet më të vlerësuara të momentit.
Fillimisht, ky stil nuk dukej të ishte i përshtatshëm për të gjithë, sidomos për ata që preferojnë forma më të gjera dhe të gjata, por sapo provohen, detaji i çarjes anësore krijon një rënie shumë të bukur të materialit mbi këpucë, duke i dhënë një pamje më elegante dhe moderne. Pikërisht ky element i thjeshtë i dizajnit i bën këto xhinse të duken ndryshe nga modelet e zakonshme.
Ky trend po shihet gjithnjë e më shumë edhe në dyqane dhe te marka të njohura, duke forcuar idenë se është rikthyer fuqishëm. Xhinset me këtë prerje mund të kombinohen lehtësisht me këpucë të ndryshme, nga atlete dhe mokasina deri te balerina apo çizme të shkurtra, duke i bërë shumë praktike për stile të ndryshme.
Përsa i përket kombinimit, ato duken veçanërisht bukur kur çarja bie mbi pjesën e sipërme të këpucëve, duke krijuar një efekt të rregullt dhe stil. Gjithashtu, mund të shoqërohen me pulovra të thjeshta, xhaketa apo kombinime klasike, duke i dhënë një pamje të pastër, por njëkohësisht shumë në modë.
