Deva Cassel, vajza e Monica Bellucci-t dhe Vincent Cassel teksa u prezantua si ambasadore e re e Dior, në Javën e Modës në Paris, spikati gjithashtu dhe si një ikonë e stilit modern.
Deva u u shfaq me një këmishë klasike me mëngë të përdredhura, e cila i dha pamjes një prekje modestie dhe rehatie.
Detaji më i dukshëm i outfit-it ishte një jelek me motive gjeometrike në nuanca bronzi, portokalli dhe kafe, i futur brenda pantallonaveme palosje asimetrike.
Një rrip lëkure i zi me tokëz të artë lidhte pjesën e sipërme dhe të poshtme të veshjes, duke reflektuar stilin e Jonathan Anderson, i njohur për volumin dhe siluetat jokonvencionale.
Bukuria e Deva-s ishte po aq natyrale sa edhe veshja e saj. Flokët me ndarje në mes dhe grimi minimal vunë në pah lëkurën e freskët dhe tiparet e saj, ndërsa buzëqeshja dhe pozat për fotografët reflektuan energjinë rinore që Anderson dëshiron të sjellë në Dior.
