Modelja shqiptare Kristina Baki ka ndarë me ndjekësit e saj portretin e vajzës së sapolindur, për të cilën ka zgjedhur një emër të veçantë, Meisi.
Kristina Baki është bërë mama për herë të dytë më datë 15 prill, ndërsa vetëm sot ka vendosur ta bëjë lajmin publik. Ajo ka postuar në llogarinë e saj në Instagram disa foto nga momenti i parë që është takuar me të voglën, shoqëruar me një përshkrim të ëmbël për atë ditë të veçantë.
“Mirëseerdhe në jetë vajza ime Meisi !
Në datën 15.04.2025 zoti me bekoi me mrekullinë e dytë dhe zemrën e kam plot.”
Sakaq Kristina është bekuar 3 vite më parë me një vajzë emri i së cilës është Siera. Gjatë gjithë kësaj kohe, modelja ka ndarë shumë momente nga ditët e shtatëzanisë, siç dhe duket nga rrjetet sociale, ajo e ka shijuar në maksimum.
