Gjykata e Lartë ka rrëzuar rekursin e mjekëve Elona Burba dhe Petrit Rexhepi, duke lënë në fuqi vendimin e Gjykatës së Apelit, e cila i kishte shpallur fajtorë për mjekim të pakujdesshëm, në lidhje me vdekjen e Doriana Hakës, ish-bashkëshortes së ish-portierit Alban Hoxha.
Në vendimin e saj, Gjykata e Lartë thekson se mjekët nuk kanë kryer ekzaminimet e nevojshme ndaj pacientes, duke vlerësuar se kjo ka ndikuar në pasojën fatale. Doriana Haka humbi jetën pas lindjes së fëmijës së saj të parë.
Me vendimin e Gjykatës së Lartë, vendimi i Apelit mbetet në fuqi dhe çështja gjyqësore ndaj dy mjekëve merr kështu një vendim përfundimtar në këtë shkallë.
