Lori Hoxha është shfaqur për herë të parë në publik pas lindjes së djalit të saj. Ajo mori pjesë në inaugurimin e selisë së re të Konsullatës së Nderit të Meksikës në Tiranë, ku Ambasadori i Meksikës, Genaro Lozano, zyrtarizoi hapjen e ambienteve të reja.
Lori gjithmonë ka qëndruar larg vëmendjes mediatike gjatë kësaj periudhe, por edhe në rrjetet sociale ajo nuk është aktive. Për këtë arsye, prania e saj në këtë aktivitet tërhoqi menjëherë vëmendjen.
Dalja e saj publike u komentua gjerësisht në rrjet për stilin, elegancën që ajo ka përcjell. Në këtë dalje ajo duket në super formë.
Gjatë ceremonisë, Lori ishte e ulur pranë ambasadorit, në një aktivitet që u cilësua si një hap i rëndësishëm për forcimin e marrëdhënieve dhe bashkëpunimit konsullor mes Shqipërisë dhe Meksikës.
