Këngëtari i njohur Yll Limani ka ndërmarrë një nismë të veçantë në mbështetje të të rinjve që studiojnë muzikë në Prishtinë.
Në bashkëpunim me Komunën e Prishtinës, artisti ka dhuruar instrumente muzikore dhe pajisje ndriçimi për Sallën e Koncerteve të Shkollës së Muzikës “Prenk Jakova”.
Kjo nismë synon të përmirësojë kushtet për nxënësit, si edhe për aktivitetet artistike që zhvillohen në këtë institucion.
Lajmin e bëri të ditur vetë Yll Limani përmes një postimi në rrjetet sociale, ku u shpreh i lumtur që ka mundësinë t’i kthejë muzikës një pjesë të asaj që ajo i ka dhënë gjatë karrierës së tij.
Artisti tha se shpreson që nga kjo sallë të lindin ëndrra të reja dhe muzikë e bukur, duke frymëzuar gjeneratat e ardhshme të artistëve.
