Këngëtari dhe ish-banori i “Big Brother VIP”, Miri, ishte i ftuar në Andale Media, ku iu përgjigj një sërë pyetjesh pikante, të shoqëruara me sfidën e njohur të specit djegës.
Gjatë intervistës, moderatorët e pyetën se cili ishte vendi më i pazakontë ku kishte pasur një marrëdhënie intime. Ndryshe nga disa të ftuar të tjerë, që kanë zgjedhur të mos përgjigjen dhe të konsumojnë specin djegës, Miri vendosi të flasë hapur.
Fillimisht, ai tha me humor se nuk e kupton pse disa njerëz shmangin pyetje të tilla, duke shtuar se, sipas tij, nuk ka arsye për komplekse kur bëhet fjalë për përvoja personale.
Më pas, këngëtari zbuloi se vendi më i pazakontë për të kishte qenë makina, duke e treguar episodin me sportivitet dhe pa hezitim.
